P

Āhea kati ai te whiringa pūtea?

Wh

Ka kati te whiringa pūtea ā te 5.00pm o te 7 o Whiringa-ā-nuku 2011.

P

Ka whakaaetia ngā tono tōmuri?

Wh

Karekau. Ka aunoa te kati o te pātengi raraunga ā te 5.00pm o te Rāmere, te 7 o Whiringa-ā-nuku 2011, ā, kāore e arotakengia ngā tono kāore anō kia tae mai i taua wā.

P

Āhea mātou whakamōhiotia ai he aha te whakatau?

Wh

I te wiki ka mutu ā te 23 o Hakihea 2011

P

Ki te kore e tae atu taku tono i mua i te rā kati, ka taea tonuhia e au te tuku tono i tētahi atu kaupeka o te tau?

Wh

Karekau. He whiringa pūtea ā-tau a Mā te Reo, nō reira hei te 2012 rā anō tuwhera ai te whiringa hou.

P

E hia ngā tono ka taea e au te tuku?

Wh

Kei a koe te tikanga, engari me motuhake ngā tono mō tēnā, mō tēnā momo kaupapa. Koia ēnei, ko te karangatanga kaupapa reo kua whakaritea:
1) Te Whakatakoto Mahere Reo;
2) Ngā Rauemi Reo;
3) Ngā Hui/Ngā Mahi Whakatairanga;
4) Ngā Wānanga Reo;
5) Ngā Kura Reo ā-Iwi                                      

Mō te roanga atu o ngā whakamārama mō ēnei karangatanga, haere ki http://www.ma-tereo.co.nz/funding-catagories/index.htm

P

Me pēhea taku whakatakoto tono?

Wh

E rua ngā ara tuku tono:

• Te tono rā runga i te ipurangi;
• Te tono tānga.
  
  

Te tuku tono i te ipurangi
Tuatahi ake – Rēhitatia ngā kōrero e pai ai tā mātou whakapā atu ki a koe
Mēnā he tauhou koe ki a Mā te Reo, me mātua rēhita ō kōrero whakapā i mua i tō whakakī i te tono ipurangi. E taea ai tēnei, haere ki:

1. Te pae tukutuku o Mā te Reo, www.ma-tereo.co.nz;
2. Patongia te tohu ‘Haina Mai ’;
3. Patongia te tohu ‘Rēhita ingoa whakamahi hou ’;
4. Ka whai ai i ngā tohutohu.

Tuarua – Te tuku i tō tono ipurangi
Ina oti i a koe te rēhita, haere ki:

1. Te pae tukutuku o Mā te Reo, www.ma-tereo.co.nz;
2. Patongia te tohu ‘Haina Mai ’;
3. Patongia te tohu ‘create new application’;
4. Ka whai ai i ngā tohutohu.

Mēnā kua wareware i a koe tō tapanga, tō kupuhipa rānei, whakapā mai ki a mātou i mua i tō mahi anō ki te rēhita.

Te tuku tono tānga
Tīkina te puka tono i te pae tukutuku, whakapā mai rānei ki a mātou, ā, mā mātou e tuku tauira atu ki a koe.  Ina whiwhi koe i te puka tono, kua pai tō tahuri ki te whakautu haere i ngā pātai.

P

Kei te tōmuri t/ētahi pūrongo mō taku tūmahi o nāianei; tēnā, he aha ngā pānga o tēnei ki taku tono i te tau 2011?

Wh

Ka tirohia mēnā he tōmuri te nuinga/katoa o ō pūrongo o mua, ko tēnei anake rānei te mea kua tōmuri. Ko ngā ‘Wheako o te Kaitono’ tētahi o ngā paearu e rima e arotakengia ai ngā tono. Ka takoto ā mātou kōrero mō ngā kaiwhakarato ka tōmuri tā rātou whakatutuki i ā rātou tūmahi. Arā te rongoā e iti ake ai te tūpono whakahēngia o tō tono, ko te whakaoti mai i te/ngā pūrongo kua tōmuri.

P

Ki te tono ahau mā te ipurangi, ka taea te whakakī haere i taku tono i roto i te wā?

Wh

Āe. Ka puritia haeretia e te pātengi raraunga ō pārongo. Ka mutu, ka taea tō whakautu tēnā me tēnā pātai i te wā e pai ana ki a koe. He āwhina tēnei mēnā ka pupū ake he whakautu ki tētahi pātai i te whakautu ki pātai kē.
 

P

Ka pai taku kōrerorero ki a koe mō taku tūmahi?

Wh

Āe mārika. Kei te hiahia katoa mātou ki te kōrero ki a koe mō tō tūmahi, kia noho mārama ai mātou ki te hāngaitanga o tō tūmahi ki ngā momo kaupapa reo kua tohua me ngā paearu tuku pūtea. Heoi, me whakapā wawe mai, i te mea kāore e ārikarika te waea mai a te tini tāngata i te wā e tuwhera ana te whiringa.

P

He aha ngā tikanga whakatau tono?

Wh

• Ka tirohia mēnā e āhei ana te kaitono ki te tono pūtea.
  
  

• Ka arotakengia ngā tono i runga anō i ngā paearu e rima, ā, ka whakatakotoria he tūtohinga e whakaae ana, e whakahē ana rānei i te tono.
  
  

• Ka aromātaitia ngā tono katoa, kia kitea ai mēnā i tōtika te whakahāngai a ngā Kaiarotake i ngā paearu ki ngā tono.
  
  

• Ka tāpaea ngā tūtohinga ki te aroaro o Te Rōpū Tautoko (te Komiti Whakahaere Pūtea) hei whakaaro ake mā rātou.
  
  

• Ka tāpaea ngā tūtohinga a Te Rōpū Tautoko ki te Poari o Te Taura Whiri i te Reo Māori hei whakaaetanga mā rātou.
  
  

• Ka whakamōhiotia atu ngā kaitono.

P

Ka āhei anō au ki te tohe i te whakatau?

W

Āe. Ka taea te tohe ngā whakatau katoa a te kāwanatanga, tae atu ki ērā i raro i a Mā te Reo. Heoi, me mātua tuhi tō whakahē, ka tuku mai ai ki te Kaiwhakahaere Matua i roto i te whā wiki i muri tonu iho o tō rongotanga i te whakatau.