Nau mai ki te Pae Tukutuku o Mā te Reo

He kaupapa a Mā te Reo nā te Kāwanatanga, he mea whakatū i te tau 2001 hei tautoko i ngā hōtaka, i ngā tūmahi e āwhina ana i te whakaoranga ake o te reo i waenga i ngā rohe, i ngā hapori.  Pāwhiria ngā hono kei runga ake nei ki te tirotiro i ngā whakamārama o Mā te Reo, ngā karangatanga kaupapa reo mō te Whiringa Pūtea o te tau 2011, tae atu ki ētahi pārongo whānui pērā i ngā ī-pānui o Mā te Reo me ngā pūkete tūmahi.      

Kua KATI te Rauna Tahua ā-Tau 2011

 

He mihi tēnei ki ngā kaitono i tuku pukatono mai ki a mātou mō tēnei rauna. Hei te 23 o Hakihea 2011 ka whakamōhiohia ngā kaitono ki ngā whakatau whakamutunga.

He aha a Mā te Reo?

He hōtaka Kāwanatanga a Mā te Reo i whakatūria e te Minita mō ngā Take Māori i te tau 2001 hei toko ake i ngā tūmahi, ngā hōtaka me ngā ngohe e whakaora ana i te reo Māori ki tēnā rohe, ki tēnā rohe.

Ko wai e whakahaere ana i a Mā te Reo?

Whakahaeretia ai a Mā te Reo e Te Taura Whiri i te Reo Māori. Kua tū he Komiti Whakahaere Tahua arā, ko Te Rōpū Tautoko. Ko tā rātou mahi he hoatu tūtohutanga ki te Poari o Te Taura Whiri i te Reo Māori e pā ana ki te hunga e tika ana kia whiwhi tahua. Ko ngā tāngata kei runga i Te Rōpū Tautoko, ko ngā māngai mai i Te Taura Whiri i te Reo Māori, Te Māngai Pāho, Te Tāhuhu o te Mātauranga, Te Puni Kōkiri me ngā māngai tokowhā mai i te hapori.

 

Mō ētahi atu Kōrero

Mō ētahi atu kōrero, tēnā koa whakapā atu ki tētahi o ngā Kaitohutohu Tūmahi a
Mā Te Reo , i runga i te nama waea 0800 MA TE REO (628 373),
ī-mēra atu rānei ki ā mtr@tetaurawhiri.govt.nz.